Vdekja e 96 tifozëve, që u përplasën me njëri – tjetrin në katastrofën e Hillsborough -t në vitin 1989, është cilësuar si vrasje, nga gjykata në Britaninë e Madhe.
Gjyqtarët vendosën se përgjegjësi i ndeshjes është fajtor.
Mbi të rëndon akuza e shkaktimit të vdekjes nga pakujdesia. Gjykata britanike shtoi se tragjedia erdhi edhe si pasojë e paaftësisë së policisë.
Pas 27 vite këmbëngulje, familjarët e viktimave në gjysmë – finalen e FA CUP gjetën paqe, pasi prej kohësh kishin pretenduar se vdekja e të afërmve të tyre nuk ishte incident.
Menjëherë pas vendimit për dënimin e fajtorëve, të afërmit e viktimave u mblodhën para gjykatës dhe kënduan në kor këngën simbol të klubit të Liverpool -it, “You Will Never Walk Alone”
Tragjedia e 15 Prillit 1989, shkaktoi 96 të vdekur dhe mbi 700 të plagosur.
Ndeshja mes Nottingham Forest dhe Liverpool në fushën neutrale në Hillsborough, u kthye në një prej katastrofave më të mëdha të histrorisë së futbollit./Klan
