Dy klane kriminale, kundërshtarë me njëri-tjetrin për tregun e drogës dhe sheshet e trafikut të drogës, u shkatërruan mëngjesin e sotëm në Itali.
Sipas mediave italiane 27 persona janë arrestuar për trafik droge, zhvatje dhe armëmbajtje pa leje.
Karabinierët kanë arritur të shpërbëjnë dy klane italo-shqiptare që ishin n konflikt të hapur me njëri-tjetrin.
Policia ka zbatuar urdhrat e lëshuar nga Gjykata e Romës me kërkesë të Prokurorisë Publike, e cila urdhëroi arrestimin e 27 personave.
Ndërsa mësohet se lideri i njërit prej klaneve ishte i afërm i Fabrizio Piscitelli, i njohur si “Diabolik”, i vrarë më 7 gusht 2019 në Romë./Opinion.al
