Një gjykatë amerikane ka dënuar me 90 burgime të përjetshëm 24-vjeçarin që vrau 23 persona në El Paso të Teksasit.
Ngjarja e rëndë ndodhi 4 vite më parë, ku Patrick Crusius qëlloi dhe vrau 23 persona në një supermarket.
Prokurorët kërkuan që Crusius të merrte dënime të njëpasnjëshme të përjetshme për secilën nga 90 akuzat e ndritura ndaj tij.
24-vjeçari Patrick Crusius u shpall fajtor për 50 akuza federale për krime të urrejtjes lidhur me masakrën e vitit 2019 në El Paso, në një nga rastet më të mëdha të krimit në baza racore në Shtetet e Bashkuara.
Crusius e pranoi fajësinë për krimin e rëndë dhe nuk bëri asnjë reagim gjatë leximit të vendimit për dënimin e tij.
Avokati mbrojtës, Joe Spencer i tha gjykatës Crusius mori përgjegjësinë për dëmin që kishte shkaktuar dhe se tërbimi i tij ishte për shkak të sëmundjes së rëndë mendore.
“Patrick do të largohet nga burgu në një arkivol. Pyetja e vetme është, a do të jetë në kohën e Zotit apo në kohën e njeriut?”, tha Spencer.
Ditën e ngjarjes Crusius udhëtoi 1100 kilometra nga shtëpia e tij për të vënë në shënjestër hispanikët me një pushkë automatike brenda dhe jashtë dyqanit Walmart në El Paso. Para sulmit, i riu postoi një frazë raciste në internet që paralajmëronte për një pushtim hispanik të Teksasit./Opinion.al
