Kryeministri Edi Rama ka reaguar për 24 masat e lëshuara me kërkesë të SPAK për stafin e Universitetit Bujqësor të Tiranës.
Përmes një postimi në rrjete sociale, Rama thotë se janë masa pa gjyq për disa procedura të disa viteve me parë.
Sipas tij, ditën e nesërme në orën 09:00 grupi parlamentar i PS-së do dëgjojë me kërkesë të tij, Rektorin e këtij Universiteti Fatbardh Sallaku.
“Nesër në 09.00 Grupi Parlamentar i shumicës qeverisëse do të dëgjojë me kërkesën e tij, Rektorin e Universitetit Bujqësor, Fatbardh Sallaku, lidhur me 24 masa sigurie PA GJYQ për stafin dhe pedagogët e universitetit për disa procedura të disa viteve me parë në shumën totale më pak se 30 milionë lekë!
Vetë rektori, i cili nuk rezulton i lidhur me këtë hetim, flet për një keqkuptim shumë të madh dhe kërkon të dëgjohet publikisht, në një moment historik kthese për Universitetin Bujqësor që ka hyrë në rrugën e transformimit me synim njehsimin e plotë të diplomave me Universitetin BOKU të Vienës në Shqipërinë2030.
Nesër në 09.00 LIVE nga godina e Kuvendit”, shkruan Rama./Opinion.al
