Një 23 vjeçar i ka dhënë fund jetës duke u vetëvrarë me çifte. Ngjarja e rëndë ka ndodhur në fshatin Shelqet, Vau Dejës. Policia thotë se është njoftuar sot në orën 05:30 dhe nga veprimet e para hetimore rezultoi se Mark Prendi ka vrarë veten me armë gjahu (çifte) në banesën e tij.
Sipas saj, në trupin e viktimes eksperti mjeko-ligjore nuk ka konstatuar shenja dhune apo dëmtime të tjera të shkaktuara nga ndonjë faktor tjetër, veç ato të shkaktuara nga vetvrasja. Nga deklarimet e familjarëve rezultoi se viktima ka pasur probleme të shëndetit mendor. Vijojnë veprimet për sqarimin dhe dokumentimin e rrethanave të ngjarjes.
