Sot bëhen 23 vite nga sulmet e 11 shtatorit të vitit 2001 në SHBA.
Presidenti Bajram Begaj, ka kujtuar këtë ngjarje tragjike, përmes një postimi në rrjetet sociale ku shkruan se kjo ditë shërben edhe si kujtesë për luftën kundër terrorizmit.
“Sot, kujtojmë ngjarjet tragjike të 11 Shtatorit, 2001. Njëzet e tre vjet më parë, bota u trondit nga sulmet e paimagjinueshme që morën jetën e mijëra njerëzve të pafajshëm në SHBA. Në këtë ditë, nderojmë viktimat por edhe forcën e qëndrueshmërinë e popullit amerikan.
Kjo ditë shërben gjithashtu si kujtesë për luftën e vazhdueshme kundër terrorizmit. Kërcënimi i terrorizmit nuk është zhdukur; ai nuk njeh ngjyrë apo ideologji. Nuk duhet të harrojmë kurrë këtë”, shkruan ai./Opinion.al
