Tre shqiptarë, që transportonin drogë në Gjermani duke e fshehur në një kamion të modifikuar, kanë përfunduar në pranga.
Ata ishin organizatorët dhe kryesuesit e grupit kriminal, ndërsa bashkë me ta janë arrestuar gjithashtu edhe një shtetas gjerman (27 vjeç), një spanjoll (50 vjeç) dhe një turk (44 vjeç).
Sipas mediave gjermane droga transferohej rregullisht nga Spanja për në Drezden të Gjermanisë e më pas shpërndahej kryesisht në Lajpcig dhe Berlin.
Shoferi i kamionit që kryente transportin e kanabisit, prej 11 muajsh ishte vënë nën mbikëqyrjen e autoriteteve gjermane të cilat zbuluan edhe gjithë itinerarin, pasi malli ndahej në dy furgonë të vegjël duke u dërguar në Berlin dhe Lajpcig.
Në total u sekuestruan 220 kilogramë marijuanë, që sipas policisë gjermane në tregun me pakicë kapte një vlerë prej 2,2 milionë eurosh. Gjithashtu u sekuestruan edhe 34 000 euro “cash” dhe një makinë./Opinion.al
