Në 24 orët e fundit në Maqedoninë e Veriut janë regjistruar 20 viktima nga COVID-19 dhe 1.031 të raste të reja.
Numri më i madh i të infektuarve bazuar në testimin e 4.373 mostrave është regjistruar në Shkup, gjithsej 492 raste.
Po ashtu, ministria e Shëndetësisë e Maqedonisë së Veriut ka njoftuar për rritjen e numrit të personave të shtruar në spitale. Gjithsej 55 pacientë me komplikime të COVID-19 janë shtruar në spitalet në Shkup në 24 orët e fundit. Sipas të dhënave të fundit, gjithsej 406 pacientë po trajtohen në Qendrën Klinike Universitare të Shkupit.
Që nga fillimi i pandemisë COVID-19, në Maqedoninë e Veriut janë konfirmuar 112.107 të infektuar, prej tyre 3.300 e kanë humbur jetën, ndërsa janë shëruar 97.166 persona. Ndërkohë, 11.641 të tjerë janë ende aktivë me koronavirus./ Opinion.al
