Një korridor gjigant dëbore pranë malit Tateyama në Japoni, do të rihapet për udhëtarët dhe turistët më 15 prill.
E quajtur Yuki no Otani ose Lugina e Madhe e Dëborës, ka një gjatësi prej 500 metrash dhe është e rrethuar me mure të larta dëbore që ngrihen deri në 20 metra në pikën më të lartë të Rrugës Alpine.
E shtrirë në prefekturat Toyama dhe Nagano në veri të Tokios, rruga 90 kilometra, e quajtur “Çatia e Japonisë” – ofron pamje të pabesueshme të malit Tateyama 3,015 metra dhe majave të malit Akazawa-dake 2,478 metra, ndërsa ofron akses për çdo pikë turistike, duke filluar që nga burimi i nxehtë i Japonisë në lartësinë më të madhe deri te ujëvara më e lartë e vendit.
Por tërheqja më e madhe e itinerarit është shëtitja me në tunelin e dëborës, e cila kërkon rreth 20 minuta për të kaluar dhe do të qëndrojë e hapur deri më 25 qershor.
Tërheqja turistike është rezultat i muajve të punës së mundimshme nga shoferët e borëpastruesve që gdhendin rrugën e mbuluar me borë në Tateyama Toll Road.
Hapja e korridorit Yuki no Otani shënon gjithashtu rifillimin e trafikut në të gjithë Rrugën Alpine Tateyama Kurobe deri në fund të dimrit.
Për herë të parë, vizitorët e vitit 2023 mund të ndihmojnë në heqjen e borës së akullt dhe të marrin pjesë në krijimin e një rruge të re – ose siç e quan faqja e atraksionit ngjarjen, “Kuzusou Yukikabe (Le të thyejmë murin e borës).
Muri i borës dhe atraksionet e tjera mund të mbyllen gjatë motit të pafavorshëm. Vizitorët duhet të kontrollojnë faqen zyrtare të internetit, Alpen-route.com, përpara se të bëjnë udhëtimin.
Për ata që dëshirojnë të shmangin turmat, faqja e internetit inkurajon vizitorët të konsiderojnë të shkojnë në qershor.
“Edhe në fund të qershorit, muret janë ende mbi 10 metra të larta. Meqenëse ka më pak vizitorë në qershor, ju mund të shijoni një eksperiencë më të relaksuar vizitore. Gjithashtu, moti në qershor është i ngrohtë dhe më i parashikueshëm”, thuhet në faqen zyrtare./Opinion.al
