Duket e pabesueshme dhe monstruoze që fëmija të vrasë prindin, por një rast i fundit ka tronditur opinionin publik në Rusi.
Egor Sosin, një 19 vjeçar, ka gjetur guximin për të vrarë nënën e tij, duke e mbytur atë me telin e karikuesit të celularit.
Djali më varësi të thelluar ndaj drogës e kreu aktin e rëndë brënda një suite hoteli në qytetin Kazan të Rusisë. 44 vjeçarja, Anasatasia Noivikova-Sosin e kishte sjellë djalin e saj nga Londra ku ai studionte, për ta trajtuar për varësinë ndaj drogës.
Por dëshira e nënës për të rehabilituar djalin e saj, e ka çuar në një fund fatal.
Adoleshenti i tha policisë se mamaja i kishte dhënë mjekimin, që e bëri të kishte haluçinacione.
“U takuam me mamanë për disa procedura mjekësore,” tha ai. “Ajo më dha disa pilula dhe më vonë nisi të ndodhë diçka e paqartë, nisa të kem haluçinacione, dhe i kam akoma”.
Një burim i policisë tha se ai ishte “thellësisht i intoksikuar me drogë”. Sipas burimit, gruaja ishte rrahur përpara se të vritej.
Babai i adoleshentit është një miliarder rus, pronari i Starik Khottabych. Vitin e shkuar ai bleu për miliona euro një koleksion me fustanet e Sharon Stone, të cilat ia bëri dhuratë gruas së tij të re.
