Në Katundin e Ri në Sukth të Durrësit janë evakuuar 185 banorë pasi Erzeni doli nga shtrati dhe përmbyti tokat e shtëpitë. “Forcat Speciale po vijojnë evakuimin dhe po shpërndajnë ushqime dhe veshmbathje”, thotë ministrja Kodheli.
Ndërsa ministri Klosi nga Sukthi ku ndodhet u shpreh: “Duhet të solidarizohemi e të evidentojmë dëmet e shkaktuara, që më pas të mund të investojmë e të shmangim problemet”
Lushnja
Banorët e 30 shtëpive janë evakuuar deri tani në Cermë të Lushnjes, astje ku është situata më problematike mesditen e sotme. Lumi Shkumbin ka çarë argjinaturën dhe është futur në fushë, ndërkohë që probleme ka edhë në hidrovorin e Tërbufit.
“Ka pasur prurje rekord, 2300 m3 për sekondë”, tha ministri Panariti i cili ndodhet në Cermë të Lushnjes. Ai u bëri apel banorëve të zonës që të largohen nga banesat.
“Është katastrofë natyrore dhe duhet përballuar. Duhet të përmbajmë lumin me aq sa të mundemi”, tha Panariti.
Drejt Çermës në Lushnje janë nisur 50 forca të ushtrisë me mjete të rënda si, fadroma, traktorë me zinxhirë, eskavatorë dhe mjete të tjera.
Video: Situata në Sukth, Durres
video: Situata ne Cerme, Lushnje
