Një ngjarje e rëndë ka ndodhur në Tropojë mëngjesin e sotëm ku një 45-vjeçar është goditur me mjet prerës nga një i ri.
Mësohet se autori 18-vjeçar me iniciale F. S., pas kontrolleve të policisë, nga pamundësia për t’u larguar, është vetëdorëzuar.
Ndërkohë i plagosuri me iniciale A. M. është dërguar për mjekim në spitalin e Gjakovës.
“Rreth orës 08:40, shtetasi F. S., 18 vjeç, dyshohet se ka goditur me mjet prerës shtetasin A. M., rreth 45 vjeç, i cili është dërguar për mjekim në spitalin e Gjakovës.
Shërbimet e Policisë kanë ushtruar kontrolle për kapjen e autorit, i cili nga pamundësia për t’u larguar, është vetëdorëzuar”, njofton policia.
Grupi hetimor po punon për sqarimin e rrethanave të rastit./Opinion.al
