Voisllav Sheshel, Drejtuesi i Partisë Radikale serbe ka paralajmëruar se Maqedonia do të shpërbëhet dhe do të ndahet në dy pjesë. Gjysma e këtij shteti ku shumica janë shqiptarë, do t’i bashkohen Shqipërisë së Madhe. “Ky proces ka filluar dhe është duke u realizuar. Qeveria e Maqedonisë këtë projekt do ta vazhdojë me federalizimin e shtetit, ku komunat shqiptare do të pavarësohen dhe gradualisht do të shkëputen”, shkruan “Zhurnal”.
“Pushteti qendror në Shkup nuk do të ketë asnjë lloj ndikimi në komunat ku shqiptarët janë shumicë”, ka theksuar mes tjerash Sheshel, suke shtuar se Ballkani është një vend strategjik për Rusinë dhe SHBAnë.
Ndërkohë Sheshel ka akuzuar edhe ish- pjesëtarët e UÇK-së, të cilët ai i quan terroristë Sipas tij nuk ka asnjë dallim mes pjesëtarëve të organizatës terroriste ISIS dhe pjesëtarëve të UÇK-së. “Janë identike krimet të cilët ata i bëjnë. Nuk asnjë dallim mes pjesëtarëve të ISISit dhe pjesëtarëve të UÇKsë”, ka theksuar Sheshel.
