Një djalë 15-vjeçar ka humbur jetën, pasi ka rënë poshtë një kanali ajrimi .Ngjarja ka ndodhur në qendrën tregtare “Sarca”, në Milano.
Adoleshenti italian ishte ngjitur me një grup miqsh në çati për të bërë një selfie .Kur është zbuluar nga forcat e sigurisë duke u përpjekur të largohet, ka rënë në tubin e ventilimit . Ai fluturoi nga 25 metra lartësi.
“Donim të bënim një selfie për të treguar që ishim ngjitur në majë të kinemasë “Skyline”. Keshtu janë shprehur miqtë e tij.
Ngjarja ka ndodhur rreth orës 22:20 të së shtunës.
15-vjeçari u transportua në spital. Si pasojë e plagëve të marra djali nuk mundi të mbijetojë . Ai ka ndërruar jetë mëngjesin e sotëm.
