Për deputetin e PD, Luan Baçi vendosja e emrit të Ilir Metës në fletën e votimit ka qenë penalizuar për rezultatin e zgjedhjeve të 14 majit.
Gjatë një interviste për “A2”, Baçi thotë se mungesa e emrit të Sali Berishës në fletën e votimit ka bërë që shumë demokrat të mos votonin.
“Mungesa e emrit të Sali Berishës ishte shumë ndikuese në mënyrën se si do të votonin shumë qytetar, duke mos parë emrin e Berishës si kryetar i PD, dhe kam raste që kanë bojkotuar, se thonin ku të vete të votoj se nuk po gjej as PD dhe as Sali Berishës dhe kjo ka qenë kosto, ishte një mënyrë që shumë qytetar nuk erdhën të votonin. Ishte penalizuese. Kishte qytetarë që nuk e identifikonin dot”, tha Baçi.
Emri i Metës në fletën e votimit u vendos për shkak se Sali Berisha hyri në këto zgjedhje pa Partinë Demokratike, pasi gjykata i dha vulën Enkelejd Alibeajt. Në këto kushte, shpëtimi i Berishës për t’i regjistruar kanidadatët në KQZ ishte pikërisht Ilir Meta.
