Ka dalë sot para gjykatës për tu njohur me masën e sigurisë, avokati Alban Bengasi, i cili akuzohet se pagoi 120 mijë euro që të vrisnin gruan e tij.
Bengasi, ka deklaruar para trupit gjykues se nuk ka lidhje me akuzat dhe se me ish-bashkëshorten kanë marrëdhënie normale, pavarësisht divorcit.
“U kanë futur në një rrugë pa krye, u kanë orientuar gabim. Nuk kam lidhje me akuzat. Me bashkëshorten kam marrëdhënie normale pavarësisht se jemi divorcuar. Kërkoj të hetohem pa masë”, ka deklaruar ai.
Ndonëse Bengasi kërkoi që të hetohet pa masë sigurie, gjykata vendosi që ta lërë në burg.
I penduari i drejtësisë, Nuredin Dumani, deklaroi se Bengasi e donte të vdekur bashkëshorten e tij pasi dyshonte se ajo e kishte tradhtuar me shokun e tij të ngushtë. Nuredin Dumani i ka thënë grupit hetimor se personi që e ka kontaktuar fillimisht me avokatin ka qenë Festim Qoli, një nga 9 personat e arrestuar në kuadër të operacionit “Plumbi i Artë”. Por të gjitha këto pretendime te Dumanit janë kundërshtuar nga Bengasi nepermjet avokatit.
