Kryeministri i vendit, Edi Rama mori pjesë mbrëmjen e sotme në ceremoninë e 105 vjetorit të shpalljes së Pavarësisë së Tiranës.
Gjatë fjalës së tij, Rama u ndal sërish te arrestimi i kreut të bashkisë së Tiranës, Erion Veliaj.
Rama u shpreh se Veliajn e morën nga detyra, duke i ndërprerë kontratën që ai kishte me qytetarët e Tiranës
“Jemi këtu për kremtuar një përvjetor të kryeqytetit dhe në të njëjtën kohë jemi në një paradoks sepse mungon kryetari i bashkisë, i zgjedhur nga çerek mln zgjedhësve për të drejtuar kryeqytetin dhe për të realizuar një kontratë të tijën dhe të forcës sonë politike me qytetarët. Kontrata është ndërprerë nga dikush që unë personalisht nuk e njoh për fytyrë.
Kush zgjedh që njeriun e zgjedhur ta marrë pa gjyq dhe ta mbyllë në një dhomë paraburgimi nuk është e qartë për mua se llogari para kujt jep por me siguri jo para qytetarëve që kanë zgjedhur kryetar bashkie”, tha Rama.
