Partia Demokratike me datë 1 shtator, 2016, pranë Prokurorisë së Krimeve të Rënda Tiranë ka bërë një kallzim penal për blerje vote dhe kanosje të votuesve nga eksponentë të së majtës.
Në denoncimin e saj, shkruhet: PD, kallzim penal mbi grupin kriminal të Partisë Socialiste për Bashkinë Dibër, të angazhuar në kryerjen e veprave penale të blerjes së votës dhe kanosjes së votuesve.
Nga të dhënat e disponuara nga PD, pjesë e Grupit të Strukturuar Kriminal, në cilësinë e organizatorit, rezulton të jetë edhe shtetasi Damian Gjiknuri, me detyrë Ministër i Energjitikës, i cili në një takim të zhvilluar në qytetin e Peshkopisë, ku merrnin pjesë disa nga anëtarët e shtabit elektoral të Partisë Socialiste, midis tyre edhe kandidati Muharrem Rama dhe shtetasi Ymer Lala, është shprehur: se kemi porosi nga Rama se zgjedhjet duhen marrë me çdo çmim. Dhe vota nuk ka çmim. Këto nuk janë zgjedhje lokale por janë test për zgjedhjet e ardhshmedhe duhen marrë me patjetër. Për lek mkos u kurseni fare.
