Katër shtetas shqiptarë kanë dalë para gjykatës në Britaninë e Madhe, për kultivim të paligjshëm të lëndëve narkotike në një ndërtesë të pozicionuar vetëm pak metra larg Gjykatës së Kurorës.
Të akuzuarit janë: Në bankën e të akuzuarve ishin 29-vjeçari Nikolin Progni, 42-vjeçari Klaudio Lekndreaj, 28-vjeçari Klaurent Lena dhe 22-vjeçari Andrea Vukaj.
Bëhet me dije se këta shtetas kishin krijuar brenda ndërtesës një plantacion të vërtetë narkotikësh me një vlerë të përllogaritur rreth 1.6 milion paund. Gjykata i shpalli fajtorë të 4 të pandehurit.
Operacioni i rritjes së hashashit në mënyrë indisturiale, ishte i pajisur me sisteme profesionale ndriçimi dhe ujitjeje, ndëra drejtohej nga një ish-klub nate dhe mundësohej nga energjia elektrike e vjedhur me vlerë 11,000 £ në ditë.
Prokurori Gerard Rogerson tregoi se si më 6 korrik të këtij viti policia bastisi ish-klubin e natës Soul in the City.
Brenda ndërtesës ata gjetën një fermë të madhe kanabisi. Kultura përbëhej nga 778 bimë, me një vlerë të mundshme rruge prej 1.66 milion paund.
“U vu re se një sistem monitorimi me kamera ishte vendosur në të gjithë ambientin, brenda dhe jashtë”, tha ai.
“Policët hynë në ndërtesë dhe gjetën një numër dhomash në errësirë dhe disa dhoma të ngritura për prodhimin aktiv të kanabisit.”
Të pandehurit kishin organizuar dhoma banimi, që përfshinin shtretër, një tavolinë, garderobë dhe një kuzhinë, ku një tigan me makarona po vlonte ndërsa policia hyri në ndërtesë.
Rogerson tha: “Zona e ndenjes ishte e pajisur mirë, me dollapë dhe një frigorifer dhe ushqim. Kishte gjithashtu një banjë të veçantë. Zona ishte shumë e pastër. Kishte gjithashtu një dhomë lavanderi, me një lavatriçe.
Muret e dhomës së rritjes ishin veshur me çarçafë të bardhë të rëndë, për të reflektuar dritën nga 277 sisteme ndriçimi me fuqi të lartë.
Pjesa tjetër e ndërtesës ishte përshtatur për paketim, ndërkohë që kostot ditore të konsumit të energjisë përllogariteshin në 927 paund.
Policia ka dyshime se pas 4 të arrestuarve qëndron një tjetër drejtues, por askush prej të pandehurve nuk e ka pranuar diçka të tillë./Opinion.al
