Organizatorët e Panairit të Librit kanë publikuar të dhënat e edicionit të fundit, duke radhitur kështu edhe librin më të shitur. Sipas pyetësorëve që janë plotësuar nga botuesit ka dalë që libri “Kandidati”, i shkrimtarit dhe politikanit Ben Blushi të kryesoje listën e këtij panairi. “Kandidati” i Blushit është shitur me 3500 kopje.
I dyti renditet “Identiteti”, i Milan Kunderës me 1120 kopje, “Rebelimi i Lulusë”, nga Albatros Rexhaj me 1000 kopje, “Ditari i Gregut”, me 750 kopje, “Kukulla”, e Ismail Kadaresë me 500 kopje, “Të gjallë dhe të vdekur”, nga Ilirjan Zhupa me 500 kopje.
