Fredi Beleri bëri reagimin e tij të parë nga burgu pas prezantimit të fletës së votimit të partisë “Demokracia e Re”, në të cilën është përfshirë.
Beleri ka falenderuar kryeministrin e Greqisë, Kyriakos Mitsotakis, i cili e vendosi atë në listën e kandidatëve për eurodeputet.
Reagimi i plotë i Fredi Belerit:
Sot, kryeministri Kyriakos Mitsotakis më ofroi mundësinë për të kontestuar votën e popullit grek në zgjedhjet evropiane të qershorit 2024, e falënderoj për këtë, por para së gjithash e falënderoj për mbështetjen e pakushtëzuar që më ka dhënë gjatë gjithë këtyre muajve i burgosur.
Beteja ime nuk është personale.
Është një betejë për shtetin ligjor dhe demokracinë, rregullat e së cilës duhet të respektohen nga të gjithë.
Është një betejë për vlerat që përfaqësojnë Perëndimi dhe Evropa dhe të cilat duhet të respektohen nga ata që duan t’i bashkohen familjes së madhe evropiane.
Është një betejë për pjesën më të vuajtur dhe më të padrejtë të greqizmit, minoritetin grek në Shqipëri.
Vëllezërit dhe motrat e mia që pas dekadash shtypjeje duan dhe kanë të drejtë të jetojnë të lirë dhe të qetë, pa frikë, në një vend që respekton të drejtat, nderin dhe pronën e tyre.
I bëj thirrje çdo greku të mbështesë votën e Demokracisë së Re, të mbështesë kryeministrin që po ndërton me vendosmëri dhe metodologji një Greqi të fortë dhe krenare, Kyriakos Mitsotakis.
