Zëdhënësi i Ministrisë së Jashtme kineze, Zhao Lijian shkroi në llogarinë e tij në Twitter se ushtria amerikane mund të ketë sjellë koronavirusin në Wuhan, i cili është qyteti kinez më i goditur nga virusi vdekjeprurës.
“Kur u shfaq pacienti zero në SHBA? Sa njerëz janë të infektuar? Cilat janë emrat e spitaleve? Mund të jetë ushtria amerikane ajo që solli epideminë në Wuhan. Jini transparent! Bëni publike të dhënat tuaja! SHBA na ka borxh një shpjegim! ” Zhao shkroi ai në Twitter.
Kjo është një akuzë e përsëritur edhe nga Irani. Kreu i Gardës Revolucionare të Iranit, Hossein Salami deklaroi më herët se koronavirusi mund të jetë një sulm biologjik i Shteteve të Bashkuara kundër Kinës dhe Iranit.
“Ne do të fitojmë në luftën kundër virusit, i cili mund të jetë një produkt i pushtimit biologjik amerikan, sepse ai u përhap fillimisht në Kinë, pastaj në Iran e më pas në pjesën tjetër të botës”, deklaroi Salami para turmave në Kerman.
Ai shtoi më tej: “Sot vendi ynë është i përfshirë në një luftë biologjike. Edhe këtë herë vendi ynë do të fitojë, edhe në luftën kundër virusit. SHBA duhet ta dijë se nëse e ka bërë ajo, virusi do të kthehet atje”/ Opinion.al
