Departamenti Amerikan i Shtetit ka përcjellë një mesazh lidhur me rastin e kryebashkiakut të Himarës Fredi Beleri, i cili vazhdon të mbetet në paraburgim.
Sipas mediave greke, të cilat citojnë një zyrtar të Departamentit Amerikan të Shtetit, qeveria amerikane pret që për këtë rast të ndiqen procedurat e rregullta ligjore.
Në përgjigje të një pyetjeje të korrespondentëve grekë në Uashington, një përfaqësues i DASH-it theksoi se “ne jemi në dijeni të rastit (të ndalimit të Fredi Belerit) dhe presim që autoritetet shqiptare të ndjekin një proces të rregullt sipas ligjeve të vendit)”.
Beleri mbahet në arrest prej 12 majit të këtij viti pasi akuzohet për blerjen e votave të 8 qytetarëve kundrejt 40 mijë lekëve.
