Drejtori i ri për Evropën Qendrore dhe jugore në Departamentin e Shtetit, David Kostelancik, ka mbërritur sot në Tiranë për të zhvilluar takime me përfaqësues të partive politike në vend. Megjithatë takimi i tij i parë është parashikuar të zhvillohet në orën 11:00 me kreun e Kuvendit Gramoz Ruçi.
Gjatë vizitës së tij Kostelancik do të takojë edhe kryeministrin Edi Rama dhe liderin e opozitës, Lulzim Basha. Ndëkohë në zyrën e këtij të fundit mëngjesin e sotëm ka mbërritur kryetarja e LSI, Monika Kryemadhi. Mësohet se Kostelancik do të zhvillojë takimin me Bashën në orën 14:00 në të cilin do të jetë në fokus zgjidhja e krizës politike dhe më pas, në orën 15:30 do të takohet me Kryemadhin.
Basha do të takojë nesër në selinë e PD gjithashtu edhe krerët e partive aleate në koalicionin opozitar për të diskutuar aksionin politik gjatë shtatorit.
Vizita e David Kostelancik vjen pas vizitës së zëvendëskryetares së Grupit Parlamentar të CDU/CSU, Katja Leikert. Kjo e fundit zhvilloi takime me liderët politikë si dhe kreun e Shtetit shqiptar, Ilir Meta. /Opinion.al
