Presidenti i Shteteve të Bashkuara të Amerikës, Barack Obama, ka mbështetur kandidaten e supozuar demokrate për presidente të Shteteve të Bashkuara, Hillary Clinton, nëpërmjet një videomesazhi të publikuar të enjten.
“Unë nuk mendoj se ka pasur ndonjëherë një njeri më të kualifikuar për të ardhur në këtë pozitë”, ka thënë Obama në video, raporton CNN.
“Unë dua që ju që keni qenë me mua që nga fillimi i këtij rrugëtimi të mahnitshëm të jeni të parët që merrni vesh se unë jam me të”, ka vazhduar Obama, transmeton Gazeta Express.
“Jam shumë i entuziazmuar. Dhe nuk mund të pres të dal dhe të bëj fushatë me Hillaryn”, ka deklaruar Obama.
