Mbrëmjen e djeshme, Samsung ka prezantuar zyrtarish dy smartphona-t e rinj, Galaxy S8 dhe S8+. Kjo është konsideruar një epokë dhe fillim i ri për Samsung, aq më tepër pas skandalit të shpërthimit të baterisë së Galaxy Note7.
Me një dizajn në xham të pakornizuar, të dy celularët me ekran 5.8 e 6.2 polësh janë të dotuar nga një fotokamer premium, dhe përdorin procesorë “Octa Core”. Mbi të gjitha aparati ofron siguri të madhe. Të dy telefonët mund të zhbllokohen vetëm me një hapje mbyllje syri, falë skanimit të irisit të retinës së syrit.
Gjithashtu S8 ka funksionin e njohjes së fytyrës. Mes të rejave më të mëdha, është edhe asistenti virtual Bixty, i aftë të kuptojë, të shkruajë dhe të navigojë në emër të përdoruesit. Bixty përdor inteligjencën artificiale për të ushtruar detyra nga më komplekset, në krahasim me rivalët e tij Siri dhe Cortana.
Samsung Galaxy S8 dhe S8+ pritet të hidhen në treg më 21 prill, ndërkohë që prej ditës së djeshme mund të para porositen online.
https://youtu.be/D8Ert5yjMV4
