Ka marrë fund dilema se kujt i përket trupi i gjetur në fundin e detit në rrënojat e avionit ku udhëtonin futbollisti argjentinas Emiliano Sala dhe piloti David Ibotson.
Sipas BBC, në deklaratën e policisë së Dorset lëshuar gjatë mbrëmjes thuhet: “Trupi i sjellë në Portland Port, të enjten me 7 shkurt 2019, është identifikuar zyrtarisht dhe është i futbollistit profesionist Emiliano Sala”.
Trupi u zbulua pas një kërkimi nënujor në avionin që u zhduk nga radarët më 21 janar të këtij viti,
Emiliano Sala kishte firmosur me ekipin e Kardif dhe po udhëtonte ti bashkohej ekipit të tij të ri në Premier Ligë, por kushtet e vështira të motit e ndërprenë udhëtimin në mes duke e kthyer në një tragjedi. D.l
