Barcelona ka prezantuar Wojciech Szczesny si portierin e ri të ekipit. Polaku ishte tërhequr nga futbolli në verë, pasi Juventus nuk i rinovoi kontratën.
Dëmtimi i Ter Shtegen, me portierin gjerman që mbylli sezonin, detyroi Barcelonën të gjente një portier të ri.
Dhe pse Hansi Flick ka bërë të ditur që duhet të luftohet për vendin e titullarit, Szczesny me shumë mundësi do të jetë portieri i parë i katalanasve.
Mësohet nga mediat spanjolle se ky ishte dhe një nga kushtet kryesore të portierit polak për t’u rikthyer në futboll.
