Drejtoria e Përgjithshme e Doganave ka shpallur disa vende vakante, në një pjesë të cilave është konkurrim i hapur ku mund të konkurrojë kushdo që plotëson kriteret dhe disa vende të tjera në të cilat do të tentohet të plotësohen fillimisht me lëvizje paralele në administratë dhe në rast se kjo nuk realizohet atëhere mund të kalojnë për konkurrim të hapur.
Referuar njoftimeve përkatëse të publikuara në faqen zyrtare të Drejtorisë së Doganave, janë 12 vende të lira pune për pozicionin “doganier” të cilat janë shpallur fillimisht për nëpunësit e administratës doganore që duan të bëjnë lëvizje paralele. Afati i fundit i aplikimit për ata nëpunës që plotësojnë kriteret është data 4 tetor.
Ndërkohë, janë edhe 13 vende pune për pozicionet inspektor antikontrabande, specialist hetues e komandant grupi në të cilat konkurrimi është i hapur. Ata që plotësojnë kriteret e bëra publike në shpalljen e vendeve vakante mund të dorëzojnë dokumentet deri me datën 2 tetor.
Linku ku mund te aplikoni:
http://www.dogana.gov.al/c/172/njoftime
