Zyliha Miloti kap 70-vjetorin, humori shkodran nuk njeh banalitete

Ikona e estradës dhe kinematografisë Shqiptare Zyliha Miloti festoi 70 vjetorin e lindjes. Me qindra role në karrierën e saj të shkëlqyer ndërsa galeria e personazheve që krijoi dhe eksperienca e saj, bënë që ajo të mbetet një nga aktoret e shquara në skenën e humorit shqiptar. Partnere e parapëlqyer e aktorit të mirënjohur Tano Banushi sikurse edhe e Zef Dedës me të cilin ka luajtur shumë pjesë të shkurtra për estradë (Fotografisti, Në spital, Kunati i shokut Xhemal, Truall i zënë , Toka jonë etj.).. Ajo edhe vitet e fundit spikati në teatrin Migjeni me komeditë: O vajzen o komunen, Big brother Shkodra apo Marteseë me Internet. Në një intervistë të fundit ajo e ka cilësuar humorin e sotëm si banal. “Ka “ndryshu më thanë të drejtën” , por se kanë ndryshu kohët “kisha më thanë humori shkodran nuk ka nevojë fare për banalitete”. Unë e kam thënë dhe vazhdoj ta them se shkodranët është e vështirë “me i ba me qeshë”, sepse të gjithë kanë humor. Prandaj duhet të jetë një material shumë i bukur që të bësh me qesh shkodranët. Në estradën e Tiranës ka pas një të thënë që kur do të vërtetosh se sa humor ka shfaqja, shko në Shkodër dhe po qeshën aty shfaqja është në rregull. Jemi duke parë spektakle të ndryshme dhe më keq është se na thonë ne si lejohet ky “soj humori” me banalitete dhe batuta të tilla”, thotë Zyliha Miloti .