Pas shkrimit të gazetares Carlotta Gall, të botuar në ‘New York Times’, me titull “Si u shndërrua Kosova në tokë pjellore për ISIS’in”, kanë vazhduar reagimet e shumta nga personalitete të shquara në mbarë botën.
Zëvendësshefi i “Atlantic Council”, njëra prej organizatave më prestigjioze botërore në fushën e sigurisë, Damon M. Wilson, ka shkruar sot në rrjetin social Twitter se ‘New York Times’ ka botuar një imazh të rremë të Kosovës si gjoja vatër të radikalizmit, duke theksuar se Kosova është shteti më pro-amerikan në botë dhe se ajo e lufton ekstremizmin më mirë së shumica e vendeve anëtare të Bashkimit Evropian./indeksonline
