Zëvendëskryetari i Bashkisë së Kukësit, Granit Gjana është paraqitur këtë të prëmtë në SPAK.
Mësohet se Gjana është thirrur për t’u marrë në pyetje në lidhje me projektin për strehimin dhe kujdesin ndaj qenve endacakë në Kukës, që Alma Kaçi i dorëzoi ish-kryebashkiakut të Kukësit, Safet Gjici.
Ky projekt doli në dritë nga video-skandali seksual i ish-kryebashkiakut të Kukësit, Safet Gjici dhe Alma Kaçit, ku kjo e fundit pasi kreu marrëdhënie seksuale me Safet Gjicin i kërkoi Gjicit tender për zbatimin e tij. Gjici në këtë moment ka thirrur në zyrë nënkryetarin Gjana në mënyrë që t’iu shpjegonte procedurat.
Safet Gjici u arrestua më 24 qershor me akuzën e korrupsionit pasiv, ndërsa pretendoi se nuk ka shkelur ligjin, por ra pre e një kurthi të ngritur nga ata që nuk e duan.
