Nëndrejtoresha e përgjithshme e UKT-së, Evis Gjebrea u mundua në emisionin Opinion të argumentonte mungesën e ujit të pijshëm ditët e fundit, por ajo nuk pranoi mungesën e ujit gjatë gjithë verës.
“Në momentin aktual po shfrytëzohet 60 përqind e Bovillës, sepse turbullira vjen duke rënë. Kur të jetë turbullira zero atëherë do të shfrytëzohet Bovilla 100 për qind. Ne nuk kemi probleme të kapacitetit të furnizimit me ujë, por probleme të rrjetit që kanë qenë amortizimet Problemet janë të hershme që nga mbipopullimi i Tiranës, ndërtimet pa leje”.
Sazan Guri: Kryetari i Bashkisë e mori me 13.5 orë ujë në ditë dhe e çoi në 10.5 orë mesatare në ditë. E mori me 5 mijë lekë dhe e çoi me 20 mijë lekë. Dhe prapë jep ujë të ndotur.
Evis Gjebrea: Në faturë thotë ujë, sepse uji është i pijshëm. Bëhet kjo pyetje, uji është i pijshëm. Ne jemi përgjegjës deri tek pallati, kemi depozitat. Kjo është përgjegjësi e adaministratorëve, por uji është i pijshëm. Ne kemi analizat, problemi janë depozitat. / Opinion.al
