Në kulmin e sezonit turistik, pushues të shumta janë duke vuajtur mungesën e energjisë. Zona e Shkëmbit të Kavajës, në Durrës ka mbetur pa energji elektrike prej mbremjes së djeshme.
OSHEE thotë se fajtore është një firmë private. “Për shkak te dëmtimit te fiderit qe furnizon me energji segmentin nga plepat tek shkëmbi i Kavajës, nga një firme private, ka mbetur pa energji kjo zone. Grupet e avarisë se OSHEE po punojnë për lokalizimin e defektit dhe riparimin sa me shpejt te tij”, thuhet në njoftimin zyrtar të OSHEE-se.
Operatori i Shpërndarjes thotë sepo punohet por pa dhënë një orar se kur mund të rikthehet energjia në zonën e plazhit.
*Foto e derguar nga OSHEE
