Një ngjarje e rëndë ka ndodhur ditën e sotme në Bologna të Italisë, ku humbën jetën një nënë dhe tre fëmijët e saj.
Nga mediat italiane mësohet se ata kanë humbur jetën si pasojë e një zjarri që përfshiu apartamentin e tyre në katin e katërt të një pallati 8 aktësh në periferi të qytetit.
Fëmijët ishin vetëm dy vjeç, një djalë dhe një vajzë, binjakë dhe motra e tyre gjashtë vjeç.
Stefania Alexandra Nistor, 32-vjeçarja me origjinë rumune fillimisht u dërgua në spitalin Maggiore, por nuk arriti t’ia dilte.
Zjarri mësohet se ka ndodhur në periferi të qytetit Emilian, në via Bertocchi. Zjarri dyshohet se u shkaktua nga një qark i shkurtër i shkaktuar nga një ngrohës elektrik në dhomën e gjumit të apartamentit.
“Shpreh dhimbjen dhe ngushëllimet e thella të qytetit për këtë tragjedi të tmerrshme, që shkatërroi jetën e një familjeje të re. Presim të mësojmë më shumë detaje për shkaqet e zjarrit dhe identitetin e personave të përfshirë nga hetimet që po vazhdojnë”, tha kryebashkiaku i Bolonjës, Matteo Lepore./Opinion.al
