Policia ka zbardhur detaje të reja nga ngjarja e ndodhur ditën e djeshme, ku një zjarr përfshiu tregun industrial në Durrës.
Sipas uniformave blu dyshohet se shkak i zjarrit të ketë qenë një shkëndijë elektrike në çatinë e njërit prej dyqaneve.
Më pas, flakët janë përhapur si pasojë e erës.
Zjarri në tregun sezonal shkrumboi mbi 20 dyqane dhe rrezikoi banesat që ndodheshin aty afër.
“Nga veprimet e deritanishme hetimore dyshohet se zjarri është shkaktuar nga një shkëndijë elektrike në çatinë e njërit prej dyqaneve, dhe është përhapur si pasojë e erës.
Si pasojë pati vetëm dëme materiale”, njofton policia.
Materialet procedurale iu referuan Prokurorisë, me qëllim dokumentimin e rrethanave dhe përgjegjësive në lidhje me këtë rast./Opinion.al
