Ministri i Mbrojtjes, Niko Peleshi ka reaguar lidhur me situatën e krijuar nga zjarri në Dhërmi.
Në një postim në rrjetet sociale, Peleshi ka publikuar një video nga helikopteri “Cougar” i cili është angazhuar në shuarjen e e zjarrit.
Efektivët e Forcave të Armatosura kanë hasur vështirësi në fikjen e flakëve për shkak dhe të terrenit malor.
Ministri Peleshi u bën thirrje të gjitha strukturave vendore të ndërhyjnë menjëherë kur vënë re vatra zjarri për të mos lejuar që ato të përhapen në terren më të gjerë.
“Helikopteri Cougar dhe efektivë të FA kanë shkuar në ndihmë të forcave që po përpiqen të shuajnë zjarrin e rënë këtë pasdite në Dhërmi. Për shkak të terrenit të vështirë, situata ka qenë disi problematike për ndërhyrjen me mjete, por trupat janë duke punuar për të vënë në kontroll të plotë flakët. U bëjmë thirrje të gjitha strukturave vendore të ndërhyjnë menjëherë kur vënë re vatra zjarri për të mos lejuar që ato të përhapen në terren më të gjerë. FA, Agjencia e Mbrojtjes Civile dhe Ministria e Mbrojtjes janë në gatishmëri të plotë në çdo rast, kur kërkohet ndihma e tyre”,-shkruan Peleshi./Opinion.al
