Banorët e Kasharit janë irrituar mjaft pas zjarrit të madh që ra në fabrikën e riciklimit të mbeturinave dhe rrezikut që u solli ajo, qoftë për bizneset dhe shtëpitë, qoftë për ajrin që ata dhe fëmijët e tyre po thithin.
“Nuk ka shtet – këtu”, thanë gratë, se po të kishte shtet nuk do ta kishte lejuar këtë. Nuk është hera e parë. Sikur edhe një helikopter të kishin sjellë ta shuante zjarrin dhe të mos ndodhte gjithë kjo.”
Turmat e banorëve të Kasharit kanë ndjekur me shqetësim sesi zjarrfikësit po luftojnë me flakët.
Mësohet se zona nuk ka as energji elektrike,për shkak të djegies së linjës dhe një kabine që furnizon Unazën e Re dhe Mëzezin.
