Autoritetet vijnë punën për shuarjen e vatrave të zjarrit në Kukës. Komisioni i Mbrojtjes Civile, Prefektura Kukës bën me dije se vatra në vendin e quajtur Laku i Thive është aktive.
Jashtë kontrollit mbetet dhe vatra e zjarrit sipër Tunelit të Kalimashit, ndërkohë, zjarri në Qafën e Kumbullës po shkon në drejtim të fshatit Trull, në Surroj ndërsa zjarri i Majës së Rrunës, po shkon në drejtim të fshatit Shemri.
Sipas informacioneve, për shuarjen e flakëve janë angazhuar 12 forca zjarrfikëse, 5 punonjës të pyjores dhe 20 forca nga komuniteti.
Po ashtu, të angazhuara janë 18 forca ushtarake të DMR-së Kukës dhe një mjet zjarrfikës si dhe forca të emergjencës civile të Bashkisë Kukës dhe Shërbimit Zjarrfikës të kësaj bashkie. Pritet edhe ardhja e helikopterit.
