Një biznes është përfshirë nga flakët mbrëmjen e së hënës në Lushnje. Policia bën të ditur se rreth orës 19:35, në vendin e quajtur “Qafa e Sokolit”, në aksin rrugor “Lushnjë-Rrogozhinë”, ka rënë zjarr.
Si pasojë e përhapjes së flakëve nga era ka marrë flakë dhe një biznes që merret me përpunimin e lëndës drusore.
Shërbimet e Policisë dhe zjarrfikëses ndodhen në vendngjarje për të fikur zjarrin, si dhe për menaxhimin e trafikut në aksin e bllokuar të rrugës.
Ndërkohë, deputeti socialist Erion Braçe, në një postim në mediat e tij sociale, u bën thirrje qytetarëve që të kenë kujdes, të ndalojnë dhe të presin derisa zjarri të jetë shuar plotesisht.
Erion Braçe në Facebook
“Te gjithe atyre qe po udhetojne nga: Kavaja, Rrogozhina per ne Divjake e Lushnje; Lushnja, Divjaka per ne Kavaje e Rrogozhine; ka nje zjarr shume te madh ne rrethrrotullimin e cerme-100 meter me poshte, djathtas kur vjen per Rrogozhine e Kavaje! Zjarrefikesit jane ne vend e nderkohe qytetet fqinje po vijne aty; beni kujdes! Ndaloni aty ku jeni derisa zjarri qe eshte ne autostrade te shuhet plotesisht!”
