Një ndërtesë dykatëshe është përfshirë nga flakët në Memaliaj.
Ngjarja ndodhi në orët e para të mëngjesit të sotëm, rreth orës 5, në lagjen nr 3 të qytetit.
Mësohet se si pasoj e zjarrit janë djegur plotësisht 3 apartamente në katin e dytë dhe 3 apartamente po në katin e dytë u prekën pjesërisht nga flakët.
Fatmirësisht nuk ka pasur pasoja në njerëz dhe të gjithë banorët e pallatit u evakuan deri në përfundim të shuarjes së zjarrit. Në aksionin për shuarjen e zjarrit morën pjesë rreth 30 efektivë nga forcat zjarrfikëse të Memaliajt të mbështetura edhe nga forcat policore, Bashkia Memaliaj dhe 1 mjet zjarrfikës nga Bashkia Gjirokastër.
Shkak i zjarrit mendohet të jetë nga pajisjet ngrohëse të lëna në punë gjatë natës.
