Një 85 vjeçar ka ndërruar jetë pasi zjarri ka përfshirë banesën e tij në rrugën “Frosina Plaku” në Tiranë. Policia tha se është njoftuar nga fqinjet e të moshuarit në orën 06:30. Zjarri ka shpërthyer nga një rezistence që i moshuari mbante për ngrohje. “Si pasojë e tymit të shkaktur ështe asfiksuar dhe ka gjetur vdekjen shtetasi S.N., 85 vjeç, i cili jetonte i vetëm”, tha policia. Paraprakisht dyshohet se zjarri është shkaktuar nga rezistenca e ngrohjes, dhe nuk ka shenja dhune. Grupi hetimor ndodhet në vendgjarje për veprimet e metejshme për përcaktimin e shkakut të rënies së zjarrit.
*Foto ilustruese
