Mëngjesin e sotëm një zjarr i përmasave të konsiderushme ka përfshirë zonën rreth magazinave të Bashkisë Lezhë, përgjatë superstradës Lezhë-Milot. Ngjarja mësohet se ka ndodhur konkretisht pranë kryqëzimit të Rriles.
Raportohet se flakët kanë përfshirë hapësirën ku prej kohësh depozitohen inertet dhe mbeturina të ndryshme ndërtimi. Forcat zjarrfikëse janë të pranishme në terren dhe po punojnë për izolimin dhe shuarjen e flakëve, ndërsa shtëllungat e tymit të dendur janë përhapur në drejtim të zonës së banuar përreth dhe mbi aksin kryesor rrugor, duke krijuar shqetësime për banorët dhe rrezik për qarkullimin.
Mësohet se nuk është hera e parë që kjo zonë përfshihet nga flakët, ndërkohë që ka dyshime për zjarrvënie të qëllimshme..
