Një zjarr në një stacion elektrik në Londër ka shkaktuar ndërprerje të energjisë elektrike duke bërë që aeroporti Heathrow të mbyllet për një ditë, nga ku janë anuluar thuajse 1350 fluturime.
“Për të ruajtur sigurinë e pasagjerëve dhe kolegëve tanë, ne nuk kemi zgjidhje tjetër veçse të mbyllim Heathrow” tha aeroporti, duke shtuar se pret “përçarje të konsiderueshme gjatë ditëve në vijim”.
Pasagjerët janë këshilluar që në asnjë rrethanë të mos udhëtojnë drejt aeroportit derisa ai të rihapet.
Ndërprerja e energjisë elektrike u shkaktua kur një transformator brenda një nënstacioni elektrik në perëndim të Londrës mori flake. Zjarri ka shkaktuar gjithashtu ndërprerje të konsiderueshme ndërprerje të energjisë elektrike në zonë, ku janë prekur më shumë se 16,300 shtëpi.
Pamjet e postuara në mediat sociale treguan flakë të mëdha dhe shtëllunga të mëdha tymi që dilnin nga vendngjarja.
Aeropoti Heathroë njoftoi se mbyllja do të zgjasë deri në mesnatën e së premtes.
