Papritmas, pasi kishte paraqitur kërkesën për të votuar në gjykatë, Dritan Dajti hoqi dorë nga kërkesa për leje votimi për zgjedhjet e 2017.
Dritan Dajti i ishte drejtuar Gjykatës së Tiranës me kërkesën për t’i dhënë leje për të votuar në zgjedhjet e 25 qershorit.
Gjykata pushoi gjykimin. Gazetari i “Panorama”, Armand Bajrami raportoi se ka pasur masa të shtuara sigurie pranë Gjykatës së Tiranës kur Dajti ndodhej në seancë gjyqësore.
Dritan Dajti, i akuzuar për vrasjen e katërfishtë të ndodhur në gusht të vitit 2009, në Durrës, iu drejtua pak ditë më parë gjykatës me kërkesë për leje votimi.
Burimi: Panorama
