Pas një performance spektakolare kundër Barcelonës në International Champions Cup, Mateo Kovačić i ka shkaktuar dhimbje koke trajnerit Zinedine Zidane.
Fatmirësisht, nuk është nevoja për hape!
Kroati tashmë nuk diskutohet se është emri i parë në listë pas treshes titullare të mesfushës, Luka Modrić, Toni Kroos dhe Casemiro. Bashkë me të, kandidatë potencialë janë edhe Marcos Llorente, Isco, Dani Ceballos, Marco Asensio dhe Lucas Vazquez.
Përveç golit fantastik që shënoi ndaj katalanasve në SHBA, ish-lojtari i Interit në çdo duel apo mbajtje topi tregoi se është një fenomen. Konkurrenca nuk e ka penguar aspak të shfaqë cilësitë e tij, sidomos vrullin autentik me topin në këmbë (interistët e mbajnë mend mirë). Sidomos në sezonin e kaluar, ai ka pësuar një rritje të ndjeshme, duke u afirmuar si një lojtar i aftë për të luajtur nga minuta e parë edhe në Champions League.
Aktualisht, Kovačić po bën detyrën. Ai është i vetëdijshëm se duhet të shfrytëzojë çdo mundësi, sikur të ishin minutat e tij të fundit të jetës. Kur mendon se Modrić është në fundin e karrierës…
