Ditën e sotme u njoftua se një 40-vjeçar nga Lepenica e Vlorës ka humbur kontaktet me familjarët e tij prej 4 ditësh. Sipas informacioneve, personi i humbur quhet Ermal Ngucaj, ndërsa denoncimi për zhdukjen e tij është bërë nga familjarët.
Nëna e tij, Mjaftime Ngucaj tregon bisedën e fundit në telefon me djalin dhe thotë se është prej 4 netësh me sytë nga porta duke e pritur që të vijë.
Ajo i bën thirrje shtetit që si do që të jetë 40-vjeçari, ta kthejnë në shtëpi. Mjaftime Ngucaj deklaron se djalin e kanë prerë në besë dhe e rrëmbyen, ndërsa dyshon se mund ta kenë plagosur.
“Unë me djalin kam folur kur isha në Itali, i thashë Ermali si jeni, më tha mirë. I thashë të hënën do të vij dhe të martën do të shkojmë në Vlorë, do të vish të na marrësh, mirë ma, do të vij unë, po u pres padurim të vini sa më shpejt” më tha.”
Erdhëm në Vlorë, ofertë nuk kishim në telefon. Kur erdhëm nga Italia, i thotë të atit “kur do të vish të pres padurim”. Atë ditë nuk foli djali, na dogji dicka ne, burri më thotë “Ermali e ka diçka”, i thashë ndoshta e ka zënë gjumi. Çupa e vogël na foli, dhe tha nuk e dimë ku është. Morëm nusen në telefon, ajo më thotë se edhe unë e kam provuar telefonin. Djali nuk kishte asnjë problem. Unë 7 muaj qëndrova në Itali. Tani ka 4 ditë nuk e kam dëgjuar zërin e tij. Unë dua djalin, nga shokët e tij që e kanë ngrënë në besë, e kanë marrë peng ose plagosur. Ne presim të shikojmë nga porta për djalin e vetëm. Më ka vdekur edhe një djalë, është i dyti që më largohet, dua djalin se s’bën në shtëpi, si do që të jetë, nuk e përballoj dot. Shteti po përpiqet, janë vendosur në lëvizje të gjithë”. Babai Fejzo Ngucaj tregoi si e gjeti makinën e djalit, ndërsa brenda ishin vetëm rrobat./ ABC News
