Takimi me reporterët e Europës u fokusua te zgjidhja e krizës politike dhe tek vullneti i opozitës për një reformë të vërtetë zgjedhore që do t’ja kthejë sovranitetin qytetarëve dhe që do të mundësojë parmes zgjedhjeve të parakohshme parlamentare një parlament legjitim dhe një qeveri legjitime tha Lulzim Basha në një prononcim për mediat.
Ai theksoi nuk mund të vazhdohet më me këtë situatë dhe tha se zgjedhjet e parakohshme parlamentare të kryera pas një reforme reale zgjedhore do të jenë zgjidhja më e mirë për vendin.
“Opozita e bashkuar ka dorëzuar një plan prej 5 pikash për reformën zgjedhore, pastaj duke ju garantuar qytetarëve shqiptarë lirinë e votës, të mbahen sa më parë zgjedhjet e parakohshme parlamentare.
Është koha për të vendosur interesin e vendit mbi interesin e forcave politike, është koha që edhe pala tjetër ta kuptojë se është në një kurs të kundërt me interesin publik të shqiptarëve, nuk mund të vazhdohet më kështu” tha Basha.
“Qëndrimi në detyrë i Babanit të Vaut të Dejës dhe Kajmakut të Vorës tregojnë që në Shqipëri nuk ka shtet ligjor në kohën kur një nënë keqtrajtohet se shet një tufë sallatë në rrugët e Tiranës” shtoi kreu i opozitës.
Basha i bëri thirrje mazhorancës që të reflektojë pasi sipas tij durimit të njerëzve po i vjen fundit nga një situatë e tillë.
“Nuk është kurrë vonë për të reflektuar, kjo është thirrja ime për Partinë Socialiste. Kështu nuk vazhdohet më, durimit të njerëzve po i vjen fundi” tha Basha. /Opinion.al
