Pas disa javëve të mbushura me kritika dhe replika, Kievi dhe Varshava kanë gjetur gjuhën e përbashkët duke vulosur një marrëveshje për “bukën e botës”. Ukraina do të përshpejtojë tranzitin e eksportit të drithërave përmes Polonisë në drejtim të vendeve të tjera.
“Që nga e mërkura, drithërat që kalojnë tranzit (në tregjet botërore) përmes Lituanisë do t’i nënshtrohen kontrolleve në një port lituanez dhe jo në kufirin midis Polonisë dhe Ukrainës”, u tha gazetarëve ministri polak i Bujqësisë Robert Telus.
Ky zhvillim vjen si lehtësim i dyanshëm: për Kievin që të shpëtojë fermerët e saj nga rrënimi, dhe për vendet e varfra që shpresojnë në grurin ukrainas të lirë për t’i mbijetuar një dimri të vështirë.
Në korrik të këtij viti, Rusia u tërhoq nga ujdia me OKB për lejimin e eksportimit të drithërave të Ukrainës përmes Detit të Zi, duke vënë në rrezik ushqimin për miliona njerëz në mbarë botën.
