Ka nisur Konferenca e Kryetarëve, para seancës plenare që do të mbahet ditën e sotme, ku do të miratohet kalendari 3-javor i punimeve të Parlamentit.
Nga ana e tij, i pranishëm në këtë konferencë, Gazmend Bardhi u shpreh se Kuvendi është kthyer si pronë private.
Ai ka folur gjithashtu në lidhje me zgjedhjet, ku ka mbajtur një qëndrim të fortë, duke u shprehur se zgjedhjet e 11 majit u shkallmuan.
“E keni kthyer kuvendin si pronë private. Vini këtu sikur jeni kthyer nga Suedia, ku në fakt jeni kthyer nga një llum qe e keni krijuar ju me duart tuaja. Keni caktuar një seance turpi për të bërë vetëm, ti foto aty.
Nuk keni caktuar dhe nuk keni lenë as çështje jashtë rendit të ditës. Këtë e garanton rregullorja e Kuvendit. Unë e kuptoj që ju nuk doni debat. Sepse doni ta trajtoni sikur jeni kthyer nga pushimet, ku në fakt ju jeni kthyer nga drejtimi i një grupi të strukturuar kriminal, ku vodhët dhe dhunuat zgjedhjet, duke e krahasua Shqipërinë me Rusinë. Nuk mund ta trajtoni kuvendin si pronë private e as vendin si normalitet. Siç e thotë OSBE ju keni shkallmuar barazinë në zgjedhje dhe keni rrëzuar nenin 1 të Kushtetutës. E përsëris ju doni qe Shqipëria te krahasohet me Rusinë apo me Serbinë”, u shpreh Gazmend Bardhi
